नक्कली भुटानी शरणार्थी प्रकरणको सुनुवाइ सकियो, निर्णय भोलि

ललिततपुरस्थित पाटन उच्च अदालत रहेको भवन । तस्बिर- प्रदीपराज वन्त, रासस

काठमाडौं, मंसिर १४-उच्च अदालत पाटनमा मंसिर ५ गतेदेखि सुरू भएको नक्कली भुटानी शरणार्थी प्रकरणको सुनुवाइ सकिएको छ।

न्यायाधीशद्वय प्रकाश खरेल र जनक पाण्डेको इजलासमा आज सुनुवाइ सकिएको र भोलि निर्णय हुनसक्ने उच्च अदालत पाटनका प्रवक्ता तीर्थराज भट्टराईले जानकारी दिए। 

जिल्ला अदालत काठमाडौंले सुनाएको थुनछेक आदेशविरूद्ध दायर गरिएको पुनरावलोकन निवेदनमाथिको सुनुवाइ सकिएर अदालतले शुक्रबार निर्णय सुनाउने भएको हो।