लन्डन आइपुगे पत्रकार महासंघका महासचिव रोशन पुरी

लण्डन– नेपाल पत्रकार महासंघ बेलायत शाखाको वार्षिकोत्सव तथा च्यारिटी नाइटमा सहभागी हुन महासंघका केन्द्रीय महासचिव रोशन पुरी लन्डन आइपुगेका छन् ।

पुरी शनिबार राती हिथ्रो विमानस्थलमा उत्रिंदा शाखा अध्यक्ष ध्रुवराज अर्याल, संस्थापक अध्यक्ष नवीन पोखरेल, उपाध्यक्ष शिव भण्डारी, महासचिव नरेन्द्र बस्नेत, युवा अभियन्ता वीरेन्द्र खडका लगायतले स्वागत गरे ।

शाखाले आइतबार साँझ अल्डरसटस्थित एम्पायर हलमा १२ औँ वार्षिकोत्सव र च्यारिटी डिनर गर्दैछ । च्यारिटीबाट संकलित रकम बेलायत तथा नेपालका पत्रकारहरुको व्यवसायिक सीप अभिवृद्धिका लागि खर्च गरिने शाखाले जनाएको छ ।

बेलायतका लागि नेपाली राजदूत ज्ञानचन्द्र आचार्य प्रमुख अतिथि रहने उक्त कार्यक्रममा बेलायतस्थित नेपाली समुदायका अभियन्ता र नेपाली संघसंस्थाका अग्रजहरुको उपस्थिति रहनेछ भने गायक धिरज राई, सपनकुमार राई, सितु खरेल लगायत कलाकारहरुले मनोरञ्जन दिलाउनेछन् ।