गुल्मीको अटिजम पाठशालाको सहयोगमा जुटे बेलायतका गुल्मेली

फाइल तस्विर

लन्डन। गुल्मीमा सञ्चालित लुम्बिनी प्रदेशकै पहिलो अटिजम स्कुलको सहयोगका लागि बेलायतवासी गुल्मेलीहरुले अग्रसरता लिएका छन्।

भौतिक तथा गुणस्तर विकासमार्फत् रुरुस्थित अटिजम पाठशाला नेपाललाई स्थापित गराउने लक्ष्यमा सहयोगको पहल थालिएको हो।

गत वर्षदेखि औपचारिक रुपमै पठनपाठन आरम्भ गरिएको स्कुललाई गुल्मी जिल्ला समाज यूकेले यसअघि तीन लाख रुपैया सहयोग गरिसकेको छ।गत वर्ष डिसेम्बरमा लन्डनमा आयोजित अपांगता दिवस च्यारिटी कार्यक्रमबाट संकलित रकम स्कुललाई प्रदान गरिएको हो।

समाजका अध्यक्ष बीर बलाल, उपाध्यक्ष तारा भट्टराई र प्रवक्ता राधा खरेल केही महिनाअघि स्कुलमै पुगेर सहयोग हस्तान्तरण गरेका थिए । उक्त रकमबाट पाठशाला भवनको गेट तथा कम्पाउण्ड निर्माणको कार्य सम्पन्न भएको छ ।

हालै फेरि बेलायतका गुल्मेलीहरु मिलेर पाठशालाका लागि थप ६० हजार रुपैयां सहयोग प्रदान गरेका छन् । बेलायतबाट सहयोगको अगुवाइ गर्दै आएका गुल्मी जिल्ला समाज यूकेका सल्लाहकार मोतिराज भन्डारीका अनुसार बेलायतवासी १२ जनाले पाठशालाको आजीवन सदस्यतास्वरुप उक्त रकम सहयोग गरेका हुन्।

गोकर्ण बस्नेत, टोप पल्ली मगर, तारानाथ भण्डारी, रामप्रसाद खरेल, वसन्त खनाल, महलाल घिमिरे, केशव भण्डारी, तारा भट्टराई, माधव भण्डारी, दासुराम पाण्डे, मणि भन्डारी  र सरिता पौड्यालले आजीवन सदस्यता लिएका हुन् ।

मोतिराज भन्डारी

नेपालकै दोस्रो तथा लुम्बिनी प्रदेशको पहिलो अटिजम पाठशाला अझै पनि भौतिक तथा आर्थिक कठिनाइमा रहेकाले सहयोगको प्रयास गरिएको उक्त स्कुल सञ्चालक संस्थाका सदस्य समेत रहेका गुल्मी जिल्ला समाज यूकेका सल्लाहकार मोतिराज भन्डारीले बताए।

पाठशालालाई स्थापित र दिगो बनाउन बेलायतबाट निरन्तर सहयोग गरिने जनाउँदै उनले बेलायतवासी गुल्मेली र सबै नेपालीहरुलाई पनि सहयोगको लागि आव्हान गरेका छन् ।

पाठशाला सञ्चालक समितिले बेलायतबाट सहयोगका लागि पहल गर्ने सल्लाहकारद्धय मोतिराज भण्डारी र राजु मल्लसहित गुल्मी जिल्ला समाज यूकेप्रति आभार प्रकट आभार प्रकट गरेको छ ।

राजु मल्ल