फोटो पत्रकार मिलन तमुलाई पितृशोक

लन्डन । बेलायतबाट सञ्चालित गोर्खा मिडिया डटकमका प्रबन्ध निर्देशक एवं फोटो पत्रकार मिलन तमुलाई पितृशोक परेको छ । 

तमुका पिता कास्की पोखरा महानगरपालिका- २७ रिठ्ठेपानी (दुर्गा टोल) निवासी ९१ वर्षीय शिरध्वज गुरुङको बुधबार दिउँसो साढे ३ बजे उपचारको क्रममा निधन भएको हो । पुरानो गाउँ माछापुच्छ्रे गाउँपालिका-५ रिभान भएका मृतक गुरुङ विगत ३/४ वर्षदेखि पेट र छातीसम्बन्धी समस्याले बिरामी थिए ।

पछिल्ला वर्षहरुमा बेलायतमा बसोबास गर्दै आएका गुरुङलाई उनकै चाहनामा केही महिनाअघि मात्र नेपाल पुर्‍याइएको थियो । मृतक गुरुङ छ गोर्खा राइफल्सका अवकाश प्राप्त वफादारी सेना थिए । उनी वि सं १९८९ साउन ७ मा जन्मिएका थिए ।     

गुरुङको तमु परम्पराअनुसार शुक्रबार स्थानीय घाटमा अन्त्येष्टि गरिने कार्यक्रम छ । गुरुङका श्रीमती, ४ छोरा र २ छोरी छन् ।