लण्डनमा एनएनपी परिवारको नयाँ वर्ष कार्यक्रम

लण्डन- नर्थवीक पार्क हस्पिटल नेपाली परिवार यूकेले विविध कार्यक्रमसहित नेपाली नयाँ वर्ष २०८० मनाएको छ ।  

गत १५ अप्रिल साँझ तमु समाज बेलायतको कम्युनिटी हल वेम्ब्लीमा कार्यक्रम भएको हो ।

राफल ड्र, डिजे डान्ससहित भएको कार्यक्रममा झन्डै सयजना उपस्थित थिए ।  

कार्यक्रममा कोषाध्यक्ष विशाल मोक्तान, सह-कोषाध्यक्ष इन्द्रजीत गुरुङ, सचिव भूपेन्द्र घले, सह-सचिव अर्जुन बोहरा लगायतले शुभकामना मन्तव्य दिएका थिए ।  

विशाल मोक्तानको डिजेमा सहभागी अबेरसम्म नाचगान गरे ।  

नर्थवीक पार्क हस्पिटलमा कार्यरत नेपालीहरुको समूह ‘एनएनपी परिवार’ ले विगत देखि नै नेपाली पहिचान, कला संस्कृति जगेर्ना र शुभकामना आदानप्रदान गर्ने उद्देश्यले कार्यक्रम गर्दै आएको सह-सचिव अर्जुन बोहराले बताए ।