पौडेल एनआरएनए यूकेको सहकोषाध्यक्ष नियुक्त

लण्डन। गैर आवासीय नेपाली संघ बेलायतको सहकोषाध्यक्षमा उपेन्द्र पौडेल नियुक्त भएका छन् । 

गत २ जनवरी २०२३ मा सम्पन्न जुम बैठकले कार्यसमिति सदस्य उपेन्द्र पौडेललाई सहकोषाअध्यक्ष नियुक्त गरेको हो।

यसअघि पौडेलले आर्थिक विभागमा सचिवको भूमिका निर्वाह गरिसकेका छन् ।

गैर आवासीय नेपाली संघ बेलायतका प्रवक्ता शशांक शर्माका अनुसार संघको बैठकले केन्द्रको एमआइएस प्रणालीबाट नयाँ सदस्यता आह्ववान गर्ने र अर्को व्यवस्था नभइन्जेल सदस्यता प्रमाणीकरण गर्ने एकल अधिकार अध्यक्ष सुनिलबाबु खड्कालाई दिने निर्णय समेत गरेको छ।