बेलायतमा हडताल बढ्दै गएपछि सरकारद्वारा वार्ताका लागि आह्वान  

रेल कर्मचारीको हडतालका कारण लन्डनस्थित पेडिङटन स्टेशन सुनसान देखिन्छ । तस्बिर सिन्हवा

लन्डन, २२ पुस–बेलायतका प्रधानमन्त्री ऋषि सुनकले शुक्रबार सार्वजनिक क्षेत्रका युनियनहरूलाई अर्को हप्ता सरकारसँग वार्ताका निम्ति आह्वान गरेका छन् ।

युनियनहरूको बढ्दो हडतालले अस्पताल, रेलवे र अन्य महत्त्वपूर्ण क्षेत्रमा असर गर्दै गएपछि प्रधानमन्त्रीले सो आह्वान गरेका हुन् ।

प्रत्येक सरकारी विभागले आफ्नो जिम्मेवारी क्षेत्रमा हडताल गर्ने मजदुरहरूको प्रतिनिधित्व गर्ने युनियन नेताहरूलाई सोमबार बैठकमा आमन्त्रित गर्न पत्र पत्राचार गरिएको छ ।

‘हामी हाम्रा सार्वजनिक क्षेत्रका कामदारहरू विशेष गरी हाम्रा नर्सहरू लगायतको समस्यामा गम्भीर छलफल गर्न चाहन्छौँ ‘-प्रधानमन्त्रीले भनेका छन् ।