ट्वीटर प्रयोगकर्ताले सीइओ मस्कलाई हटाउन गरे मतदान

सान फ्रान्सिस्को, ४ पुस –ट्वीटर प्रयोगकर्ताहरूले सोमबार विवादास्पद मालिक एलोन मस्कलाई सीइओको पदबाट हटाउनका लागि मतदान गरेका छन् । जुन उनले आयोजना गरे र सम्मान गर्ने वाचा गरे, मस्कले प्रमुख कार्यकारी अधिकृतको जिम्मेवारी लिएको केही हप्तापछि उनले ट्वीटे प्रयोगकर्ताहरूमा सो आग्रह गरेका थिए ।

एक करोड ७० लाख भन्दा बढी ट्वीटर प्रयोगकर्ताहरू मध्येबाट ७५.५ प्रतिशतले उनको विपक्षमा मतदान गरेका थिए ।

मस्क कार निर्माता टेस्ला र रकेट फर्म स्पेसएक्सका समेत मालिक हुन् । उनले अक्टोबर २७ मा ट्वीटरको प्रमुख भएदेखि बारम्बार विवादमा आएका थिए । उनले कम्पनीका आधा कर्मचारीलाई बर्खास्त गरेको, पत्रकारहरूलाई प्रतिबन्ध लगाएको र पहिले निःशुल्क सेवाहरूका लागि शुल्क लिन खोजेपछि उनको विरुद्ध आक्रोश बढेको थियो ।