लन्डनमा १५ वर्षदेखि आफ्नै खर्चमा पृथ्वी जयन्ती मनाउंदै क्षेत्री, थपे पुरस्कार
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
![](https://www.nepalilink.com/wp-content/uploads/2022/12/82162824_3197246216956178_8718869437211475968_n.jpg)
फाइल तस्बिर
लन्डन । संयुक्त राष्ट्रवादी नेपाली संगठन बेलायतले यस वर्ष पनि राष्ट्रनिर्माता श्री ५ पृथ्वी नारायण शाहको ३०१ औं जन्मजयन्ती तथा राष्ट्रिय एकता दिवस मनाउने भएको छ ।
संयुक्त राष्ट्रवादी नेपाली संगठन बेलायतका अध्यक्ष भरत क्षेत्रीले आउंदो २७ पुष २०७९ अर्थात ११ जनवरीका दिन पृथ्वी जयन्ती तथा राष्ट्रिय एकता दिवस मनाउन लागिएको जनाए । हिमालयन क्लव रेष्टुरेन्ट सड्बरीमा दिउसो १२.३० बजे कार्यक्रम तय गरिएको हो ।
कार्यक्रम संयोजक समेत रहेका भरत क्षेत्रीले उक्त विशेष कार्यक्रममा सहभागिताका लागि सबैमा निमन्त्रणा गरेका छन् ।
![](https://www.nepalilink.com/wp-content/uploads/2022/01/5B82BC95-6740-4194-8254-D6B4CC2252CC.jpeg)
संयुक्त राष्ट्रवादी नेपाली संगठन बेलायतका अध्यक्ष भरत क्षेत्री
यसैबीच, संस्थाले यस वर्षपनि पृथ्वी पुरस्कार प्रदान गर्ने भएको छ । अध्यक्ष क्षेत्रीले एकजना कुनै पनि पार्टीमा आवद्ध नभएको स्वतन्त्र बुद्धिजिवी साथै पृथ्वी नारायण शाहका बारेमा गहिरो दख्खल राक्ने व्यक्तिलाई एक लाख रुपैयांको पुरस्कार दिइने जनाए । पृथ्वी नारायण शाह जन्मेको ठाउं गोरखा पोखरीथोक बजारमै कार्यक्रम गरि उक्त पुरस्कार दिने व्यवस्था गरेको उनले बताए ।
यो पुरस्कार राशी उनी आफैंले प्रवन्ध गरेका हुन् । गत वर्ष नेपालका राजनीतिक विश्लेषक प्रा. डा. सुरेन्द्र केसीलाई एक लाख रुपैंयाको पहिलो पुरस्कार दिइएको थियो ।
संगठनका अध्यक्ष भरत क्षेत्रीले बेलायतमा सन् २००७ देखि एक्लैले पृथ्वी जयन्ती तथा राष्ट्रिय एकता दिवस कार्यक्रम गर्दै आएका छन् । राजनीतिक संक्रमणका बेला पनि क्षेत्रीले आफ्नो एकल प्रयासमा बेलायतका वुद्धिजिवी तथा दूतावास प्रतिनिधि निम्त्याएर पृथ्वी जयन्ती गर्न छुटाएका छैनन् ।