अमेरिकासँग इंग्ल्याण्डको गोलरहित बराबरी, प्रि क्वार्टरफाइनल यात्रा भने लगभग पक्का

लन्डन। कतारमा जारी विश्वकप फुटबलअन्तर्गत समूह चरणको दोस्रो खेल इंग्ल्यान्डले बराबरी खेलेको छ।

शुक्रबार बेलुका अमेरिकासँगको खेल गोलरहित बराबरीमा टुङिएपछि इंग्ल्याण्ड अंक बांड्न बाध्य भएको हो।  

समूह बीमा दुई-दुई खेलसम्मको अवस्थामा इंग्ल्याण्ड चार अंकसहित शीर्ष स्थानमा छ।

इंग्ल्याण्डको प्रिक्वार्टर फाइनलसम्मको यात्रा अहिलेसम्म पूरा नभइसकेपनि लगभग निश्चितजस्तै छ।

समूहमा इरानसँग तीन, अमेरिकासँग दुई र वेल्ससँग एक अंक मात्र छ। त्यसैले अन्तिम खेलमा वेल्ससँग विशाल गोल अन्तरले पराजित नभएसम्म इंग्ल्यान्ड अन्तिम १६ मा पुग्नबाट रोकिने छैन।

पहिलो खेलमा इरानलाई ६-२ ले हराएको इंग्ल्याण्डले आफ्नो समूहको अन्तिम खेल आगामी मंगलबार वेल्ससँग खेल्नेछ।