काठमाडौँ–४ मा गगन थापाको अग्रता   

काठमाडौँ । काठमाडौँ जिल्लाको निर्वाचन क्षेत्र नं ४ को बूढानीलकण्ठ–१ जय भद्रकाली मतदान केन्द्रबाट मतगणना भइरहेको छ ।

आज बिहान ११ बजेदेखि क्षेत्र नं ४ मा सुरु भएको मतगणनामा एक हजार पाँच सय ११ मतमा नेपाली कांग्रेसका गगन थापाले छ सय ६८ मतसहित अग्रता लिएका छन् ।

निर्वाचन अधिकृत शारदा पौडेलका अनुसार नेकपा (एमाले) का राजन भट्टराईले छ सय ३३ मत ल्याएका छन् ।

राष्ट्रिय प्रजातन्त्र पार्टी (राप्रपा) का डा ठाकुर मोहन श्रेष्ठले ६५ मत प्राप्त गरेका छन् ।

स्वतन्त्रतर्फका उम्मेदवार अर्जुनकुमारले २८ र अर्चनशम्शेर राणाले १९ मत प्राप्त गरेका छन् भने ३८ मत बदर भएको छ ।