एलिजावेथको निधनमा पूर्व राजदूत सुवेदीद्वारा दुःख व्यक्त

महारानी समक्ष ओहदाको प्रमाणपत्र प्रस्तुत गर्ने क्रममा राजदूत डा. सुवेदी ।

लन्डन । बेलायती महारानी एलिजावेथ द्वितीयको निधनमा बेलायतका लागि पूर्व नेपाली राजदूत डा दुर्गाबहादुर सुवेदीले गहिरो दुःख व्यक्त गरेका छन् ।

बेलायतमा राजदूत रहंदा बकिङघम प्यालेसमा आयोजित विशेष समारोहबीच ओहदाको प्रमाणपत्र प्रस्तुत गर्ने क्रममा महारानीसंगको प्रत्यक्ष भेटमा उनले दुई मुलुकबीचको सम्बन्धलाई सुदृढ र समधुर बनाउने विश्वास व्यक्त गरेको सुवेदीले स्मरण गरेका छन् ।

महारानीले नेपाल र नेपाली जनताप्रति निकै चासो 
राखेको पनि उनले बताए ।

हाल जापानका लागि नेपाली राजदूत सुवेदीले बेलायतका लागि २० औं राजदूतको रुपमा सन् २०१६ देखि सन् २०२० को अन्त्यसम्म जिम्मेवारी निर्वाह गरेका थिए ।

९६ वर्षीया महारानीको स्कटल्याण्डस्थित बाल्मोरल क्यासलमा गत बिहीबार निधन भएको थियो ।