प्रधानमन्त्री देउवाद्वारा कन्जरभेटिभ नेतृ ट्रसलाई बधाई

काठमाडौँ –प्रधानमन्त्री शेरबहादुर देउवाले संयुक्त अधिराज्य (यूके) को कन्जरभेटिभ पार्टी नेतामा लिज ट्रस निर्वाचित भएकामा उनलाई बधाई दिएका छन् ।

४७ वर्षीया ट्रस पार्टीको नेतामा निर्वाचित भएको सोमबार घोषणा गरिएको थियो । दलको नेता बनेसँगै उनी आज संयुक्त अधिराज्यको प्रधानमन्त्रीमा नियुक्त हुंदै छन् ।

प्रधानमन्त्री देउवाले सामाजिक सञ्जालमार्फत लामो समयदेखिको नेपाल–बेलायत सम्बन्धलाई अझ सुमधुर बनाउन उनीसँग काम गर्न आफू तत्पर रहेको बधाई सन्देशमा उल्लेख गरेका छन् ।