फिलिपिन्समा कोरोनाबाट एकै दिन चार दर्जन बढीको मृत्यु   

मनिला । फिलिपिन्समा कोरोना सङ्क्रमण बढेको छ । यहाँ २४ घन्टाको समयावधि अर्थात आइतबार मध्यरातिसम्म कम्तीमा पनि ४९ जनाको ज्यान गएको छ । स्वास्थ्य अधिकारीहरुले दिएको जानकारीअनुसार आइतबार मात्र तीन हजार छ सय ४३ जनामा कोरोना संक्रमण भएको छ ।

फिलिपिन्सको स्वास्थ्य विभागले दिएको जानकारीअनुसार यहाँ पछिल्ला केही हप्तामा कोभिडको संक्रमण बढ्दो देखिएको छ । यहाँ कम्तीमा पनि ३५ हजार जना सक्रिय संक्रमित रहेका छन् । यहाँ एकै दिन गएको जनवरी १५ मात्र ३९ हजार भन्दा बढीमा संक्रमण थियो । त्यसका तुलनामा पछिल्लो समयमा यहाँ संक्रमितहरु घटेका भए पनि केही हप्तायता भने संक्रमण बढ्दै गएको देखिएको स्वास्थ्य अधिकारीहरुले जनाएका छन् ।