उत्तरी सिरियाको झडपमा १३ सर्वसाधारणको मृत्यु

तस्बिर- एएफपी

अल–बाब, सिरिया, ३ भदौ–सिरियाको टर्कीसँग जोडिएको उत्तरी सीमामा पछिल्लो पटक भएका हिंसात्मक झडपमा परी कम्तीमा १३ जना सर्वसाधारणको मृत्यु भएको युद्ध अनुगमनकारी एक संस्थाले शुक्रबार बताएको छ ।

कुर्द नेतृत्वको सिरियन डेमोक्रयाटिक फोर्सेसमाथि टर्कीको सेना र उनीहरूका सिरियाली समर्थकविरुद्ध बढ्दो तनावको पृष्ठभूमिमा यो रक्तपात भएको हो ।

टर्की र सिरियाली सेनाको नियन्त्रणमा रहेको सीमावर्ती शहर अल–बाबमा सिरियाली सरकारले शुक्रबार बिहान गरेको गोलाबारीमा नौ जना सर्वसाधारणको मृत्यु भएको बेलायतस्थित ‘सिरियन अब्जरभेटरी फर ह्युमन राइट्स’ले जनाएको छ ।

उक्त मानव अधिकारवादी संस्थाले भनेको छ, ‘आक्रमणमा परी मृत्यु हुनेमा बालबालिका पनि छन् भने कम्तीमा ३० जना घाइते भएका छन् ।’

कुर्दिश बहुल एसडीएफका एक प्रवक्ताले आफ्नो संलग्नता अस्वीकार गरेका छन् । गोलाबारी एक व्यस्त बजार क्षेत्रमा भएको थियो । आक्रमणपछि स्थानीय बासिन्दाहरू आक्रमणमा परेका मानिसहरूको उद्धारमा खटिएका थिए ।

एएफपीका एक संवाददाताका अनुसार आक्रमणले बजार क्षेत्रमा क्षति पुरयाएको छ र शरीरका अङ्गहरू, छरिएका तरकारीहरू र ठेलागाडाहरू भत्किएका छन्। टर्की र सिरियाका कुर्दहरूबीच यसै साता टर्कीले गरेको घातक आक्रमणमा १७ जना सरकारी र कुर्द लडाकुको मृत्यु भएपछि टर्की र सिरियाका कुर्दहरूबीच हिंसा बढेको थियो।

उत्तरपूर्वी सिरियाको स्वायत्त कुर्द प्रशासनले शुक्रबार टर्कीको आक्रमणले हसाके शहर नजिकैको क्षेत्रमा बालिकाहरूको पुनःस्थापना केन्द्रमा आक्रमण भएको बताएको छ । अब्जरभेटरीका अनुसार उक्त केन्द्रमा भर्ना भएका चार जना बालबालिकाको मृत्यु भएको छ भने कैयौँ घाइते भएका छन् ।

अंकराले एसडीएफको मुख्य घटक कूर्दलाई आतंकवादी संगठनको रूपमा मान्छ जसको आफ्नै क्षेत्र भित्र कुर्द विद्रोहसँग जैविक सम्बन्ध छ । टर्कीका राष्ट्रपति रेसेप तैयप एर्दोगानले हालै उत्तरी सिरियामा कुर्दहरूविरुद्ध व्यापक अभियान चलाउने चेतावनी दिएका थिए तर इरान र रुसबाट ‘ग्रीन सिग्नल’ प्राप्त गर्न असफल भएको ठानिएको छ ।