२० औं वार्षिकोत्सव तयारीमा पर्वत वेलफेयर सोसाइटी

लन्डन । पर्वत वेलफेयर सोसाइटी यूकेले आफ्नो २० औं वार्षिकोत्सव तथा भेटघाट कार्यक्रम विशेष गर्ने तयारी गरेको छ ।

आउंदो अगष्ट २१ तारिख आइतबार दिउसो अल्डरसटस्थित एम्पायर हलमा कार्यक्रम गर्ने तयारी भइरहेको उपाध्यक्ष सुरज पौडेलले बताए ।

उनले कार्यक्रममा नेपालबाट आएका ख्याति प्राप्त कलाकारहरुको उपस्थितिमा सांस्कृतिक कार्यक्रम,  दिदीबहिनीका लागि तीज गीत तथा नाचगान र रात्री भोज व्यवस्था गरिएको पनि जनाए ।

अध्यक्ष नेत्र आलेले उक्त कार्यक्रममा बेलायतवासी पर्वतेली तथा गैर पर्वतेली सबैमा सहभागिताका लागि आमन्त्रण गरेका छन् ।

सोसाइटी नेपाल र बेलायतका नेपालीको हितका लागि समर्पित हुने अग्रणी सामाजिक संस्था मानिन्छ ।