गोर्खा ब्रदर्शमा विशाल र अस्मिताको दोहोरी हुंदै

लन्डन । हाल बेलायतमा गायन प्रस्तुत गरिरहेका नेपालका दुई चर्चित कलाकारहरु विशाल रायमाझी र अस्मिता डल्लाकोटीले च्याथममा दोहोरी गाउने भएका छन् ।

च्याथमस्थित गोर्खा ब्रदर्श रेष्टुरेन्टमा आउंदो जुन १९ सांझ कलाकारद्धयको कार्यक्रम तय भएको रेष्टुरेन्ट संचालक तथा आयोजक वासुदेव सापकोटाले जनाए ।

लाइभ म्यूजिक, डिनरसहितको दोहोरी कार्यक्रममा दर्शकले कलाकारसंग दोहोरी गाउन सक्नेछन् ।

कार्यक्रममा प्रवेश शुल्क १३ वर्षमाथिकालाई २० पाउण्ड, ८ देखि १२ वर्षसम्मकालाई १० पाउण्ड र ८ वर्ष मुनीका बालबालिकालाई निशुल्क व्यवस्था मिलाइएको छ ।

आयोजक सापकोटाले कार्यक्रममा सहभागी भएर मनोरन्जन गर्ने अवसर नगुमाउन सुझाव दिएका छन् ।