एनआरएनए चुनाव सर्ने, मनोनयन म्याद थप

काठमाडौं । गैरआवासीय नेपाली संघ (एनआरएनए) को मार्च  २१ र २२ मा तोकिएको अनलाइन मतदान मार्च २४ र २५ मा सार्न प्रमुख निर्वाचन अधिकृतले  सिफारिस गरेका छन् ।

मार्च ७ मा बसेको निर्वाचन समितिको बैठकले यसअघि निर्धारित निर्वाचन मिति पछि सार्न अन्तरराष्ट्रिय समन्वय परिषद, गैर आवासीय नेपाली संघलाई पत्र लेखेको हो ।

अन्तर्राष्ट्रिय समन्वय परिषद् (आइसीसी) का पदाधिकारीहरुका लागि चुनाव गराउन सोमबारदेखि खुला गरिएको नामांकनको समय तीन दिन थप गरिएको छ।

निर्वाचन समितिले मंगलबार एक सूचना प्रकाशित गरी अध्यक्ष कुमार पन्तको लिखित अनुरोधको आधारमा नोमिनेसन गर्ने म्याद शुक्रबार (११ मार्च) अपरान्ह ५ बजेसम्मका लागि बढाइएको जनाएको छ।