रुसमा अहिलेसम्मकै बढी संक्रमित

मस्को, २१ माघ–रुसमा गएको २४ घन्टायता एकै दिनमा भएको कोरोना भाइरस संक्रमण दर सबैभन्दा धेरै भएको बताइएको छ । यहाँ बिहीबार अघिल्लो २४ घन्टायता १ लाख ५५ हजारभन्दा बढी व्यक्तिमा कोरोना भाइरस संक्रमण देखा परेको छ । यो संख्या एकै दिनमा भएको अहिलेसम्मकै सबैभन्दा धेरै हो ।

त्यस्तै यो अवधिमा कम्तीमा पनि ६६५ जनाको ज्यान गएको छ ।

यहाँ अहिलेसम्म ३ लाख ३३ हजार ३५७ जनाको कोरोना संक्रमणका कारण ज्यान गएको छ । रुसमा पछिल्लो समय कोभिड संक्रमितहरुको संख्या बढेको पनि पाइएको छ ।

रुसमा सबैभन्दा बढी यहाँको राजधानी मस्को प्रभावित भएको छ । अहिले देखिएका संक्रमितहरुमा पनि पछिल्लो समयमा सबैभन्दा बढी मस्कोमा नै भेटिएका छन् । यहाँ ओमिक्रोन भेरियन्ट पहिलेका वेभहरुको तुलनामा बढी नै फैलिएको स्वास्थ्य अधिकारीहरुले जनाएका छन् ।