नायक ध्रुव दत्तको ‘बलेको आगो’ म्यूजिक भिडियो सार्वजनिक

लन्डन । बेलायतलाई कर्मथलो बनाउंदै आएका अभिनेता ध्रुव दत्तद्वारा अभिनित ‘बलेको आगो’ बोलको गीतको म्यूजिक भिडियो सार्वजनिक भएको छ । म्यूजिक भिडियोमा उनलाई रोशना कार्की र दुर्गा सिंहले साथ दिएका छन् ।

गायक राजकुमार सिंहको स्वर तथा केशव बैरागी काइलोको संगीत रहेको यस गीतको म्यूजिक भिडियोको निर्देशन प्रभु गुरुङ र छायांकन तथा सम्पादन सुमन श्रेष्ठले गरेका हुन् ।

मिलन र विछोडले भरिएको त्रिकोणात्मक सम्बन्ध रहेको यस म्यूजिक भिडियोको छायांकन बेलायतमा गरिएको हो । म्यूजिक भिडियोलाई आरडीआर इन्टरटेनमेन्टको युट्युब च्यानलमार्फत् सार्वजनिक गरिएको छ ।

नायक दत्तले थुप्रै नेपाली चलचित्र, नाटक लगायत दर्जनौं म्यूजिक भिडियोमा अभिनय गरिसकेका छन्  ।

म्यूजिक भिडियो: