कांग्रेस सभापतिको मतगणनाः ३००० मत गन्दा देउवा कोइराला अन्तर फराकिलो

काठमाडौं । नेपाली कांग्रेसको १४औँ महाधिवेशनअन्तर्गत सभापति पदका लागि मङ्गलबार भएको पुनः मतदानको मतगणनामा सभापतिका उम्मेदवार शेरबहादुर देउवा र डा शेखर कोइरालाबीचको अन्तर थप फराकिलो हुदै गएको छ ।

राष्ट्रिय सभागृहमा जारी मतगणनामा अहिलेसम्म तीन हजार मत गनिएको छ । यस क्रममा सभापतिका उम्मेदवार शेरबहादुर देउवाले अग्रता लिएका छन् ।

सभापतिका उम्मेदवार देउवालाई एक हजार ७८८ मत प्राप्त भएको छ भने उनका प्रतिद्वन्द्वी डा शेखर कोइरालाले एक हजार १८४ मत प्राप्त गरेको नेपाली कांग्रेसको केन्द्रीय निर्वाचन समितिले जनाएको छ ।