कोभिडको ‘ओमिक्रोन भेरिएन्ट’ विश्वभर फैलंदै, सबैतिर उच्च सतर्कता

नयाँ दिल्ली, ११ मङ्सिर–दक्षिण अफ्रिकामा कोभिड–१९ को नयाँ ‘भेरिएन्ट ओमिक्रोन’ देखापरेपछि भारतमा पनि उच्च सतर्कता अपनाउन थालिएको छ ।

प्रधानमन्त्री नरेन्द्र मोदीले शनिबार सम्बन्धित अधिकारीहरूको आपतकालिन बैठक बोलाएर अन्तर्राष्ट्रिय यात्रामा छुट दिने नीतिको समीक्षा गर्न निर्देशन दिएका छन् ।

विभिन्न मुलुकले दक्षिण अफ्रिकासँगको हवाइ सम्पर्क रोकिसकेको अवस्थामा भारतले पनि दक्षिण अफ्रिका र अन्य अफ्रिकी मुलुकसँगै उनीहरूसँग बढी आवतजावत हुने मुलुकलाई लक्षित गरी हवाई सम्पर्कलाई विच्छेद गर्ने सम्बन्धमा अधिकारीहरूले प्रधानमन्त्रीलाई सुझाव दिएका छन् ।

यसै सन्दर्भमा प्रधानमन्त्री मोदीले कोरोनाविरुद्धको खोपलाई आक्रामक रूपमा विस्तार गर्न निर्देशन दिए । दिल्लीका मुख्यमन्त्री अरविन्द केजरीवालले पनि कोरोनाको नयाँ भेरियन्टबाट प्रभाविकत मुलुकहरूसँगको उडानमा प्रतिबन्ध लगाउन माग गरेका छन् ।

मोदीले निकै प्रयत्नपछि मुलुकले कोरोनाको प्रभावलाई नियन्त्रणमा लिइएको भन्दै नयाँ भेरियन्टबाट भारतलाई जोगाउन हरसम्भव प्रयास गर्नु पर्ने बताए ।

भारतले हङकङ, बोत्सवाना र इजरायलबाट आउने सबै यात्रीहरुको स्वास्थ्य जाँच गर्न विमानस्थललाई निर्देशन दिएको छ ।

नयाँ भेरिएन्ट देखिएपछि जर्मनीमा उच्च सतर्कता

दक्षिण अफ्रिकाबाट फर्किएका एक व्यक्तिमा नयाँ कोभिड–१९ भेरिएन्टको शंकास्पद घटना पत्ता लागेको एक जर्मनी क्षेत्रीय अधिकारीले शनिबार बताएका छन् ।

दक्षिणी अफ्रिकामा पहिलो पटक पत्ता लागेको तनावलाई संकेत गर्दै पश्चिमी राज्य हेस्सीका सामाजिक मामिलामन्त्री काइ क्रोजले ट्वीटमा लेख्नुभएको छ, “नयाँ संक्रमितमा ओमिक्रोन भेरिएन्टको बलियो सम्भावना छ ।”

दक्षिण अफ्रिकाबाट जर्मनी फर्केका यात्रुको शुक्रबारको अन्ततिर गरिएको परीक्षणले ‘ओमिक्रोन‘ का थुप्रै ‘म्युटेसन’हरू संकेत गरेको क्रोजले बताउनुभयो ।

“नयाँ भेरिएन्टको प्रबल शंकापछि कोभिड–१९ सङ्क्रमित उक्त व्यक्तिलाई उनकै घरम एक्लै बस्न लगाइएको छ । यसबारे थप अनुसन्धान हुन बाँकी नै छ ।”

संक्रमित उक्त व्यक्ति जर्मनीको सबैभन्दा व्यस्त फ्र्याङ्कफर्ट अन्तर्राष्ट्रिय विमानस्थल हुँदै इयूको सबैभन्दा बढी जनसंख्या भएको देश (जर्मनी) मा आइपुगेको मन्त्रालयले जानकारी गराएको छ ।

बेल्जियमले कोभिडको खोप नलगाएका एक व्यक्ति कानून विपरित शुक्रबार विदेशबाट फर्किएका र उनमा नयाँ कोभिड–१९ भेरिएन्ट भेटिएको बताएको एकदिनपछि जर्मनीमा कोभिडको नयाँ भेरिएन्ट संक्रमित फेला परेको बताइएको हो । बेल्जियमले युरोपमा यो नयाँ भेरिएन्ट संक्रमितको पहिलो घटना भेटिएको बताएको छ ।

बेल्जियमका एक चर्चित ‘भाइरलोजिस्ट’ मार्क भान रान्स्टले ट्वीट गर्दै उक्त व्यक्ति नोभेम्बर ११ मा इजिप्टबाट फर्किएको बताउनुभएको थियो ।

विश्व स्वास्थ्य संगठनले शुक्रबार हालै पत्ता लागेको ओमाइक्रोन नाम दिइएको बी.१.१.५२९ प्रकारको कोभिड–१९ लाई चिन्ताको विषय घोषणा गरेको छ । यूरोपेली संघका स्वास्थ्य अधिकारीहरूले यस नयाँ तनावले महाद्वीपको लागि ‘अझ धेरै जोखिम’ उत्पन्न गरेको बताएका छन् ।

यूरोपेली संघका अधिकारीहरू यस ब्लकका सबै २७ राष्ट्रहरूलाई विभिन्न दक्षिण अफ्रिकी राष्ट्रहरूको यात्रामा प्रतिबन्ध लगाउन आग्रह गर्न शुक्रबारको दिन सहमत भए जुन नीति जर्मनीले लागू गरिसकेको छ ।

अष्ट्रेलिया प्रवेशमा फेरि कडाइ

अष्ट्रेलियाले दक्षिण अफ्रिकामा देखिएको कोरोनाभाइरसको नयाँ संस्करण भित्रिन नदिनका लागि नाकाबन्दी गर्न सक्ने जनाएको छ ।

अष्ट्रेलियाका स्वास्थ्य मन्त्री जर्ज हन्टले नयाँ संस्करणको कोरोनाभाइरसको बारेमा अध्ययन भइरहेको र विज्ञ तथा सरोकारवालाहरुको सुझावका आधारमा सिमानामा आवतजावतका बारेमा निर्णय गरिने स्पष्ट पारे ।
“सरकारले सीमा क्षेत्रमा प्रतिबन्धात्मक केही नयाँ व्यवस्था गर्न सक्छ, यस बारेमा अध्ययन र छलफल भइरहेको छ,” उनले भने ।

पत्रकारहरुसँगको अन्तरक्रियाका क्रममा उनले नौ दक्षिण अफ्रिकी मुलुकबाट अष्ट्रेलियामा हुने सबै उडान पनि बन्द गर्ने सम्भावना पनि रहेको स्पष्ट पारे ।

उनका अनुसार सरकारले दक्षिण अफ्रिका, नामिबिया, जिम्बाब्वे, बोट्सवाना, मालावी, मोजाम्बिकलगायतका देशहरुबाट अष्ट्रेलिया आउने उडान रद्ध गर्ने सम्भावना छ ।
तत्कालका लागि भने ती देशबाट आउनेहरुलाई उच्च सतर्कताका साथ जाँच गर्न र कुनै संक्रमण र खतरा छैन् भन्ने सुनिश्चिता गर्न निर्देशन दिइसकिएको पनि उनले बताए ।

त्यसैगरी अष्ट्रेलियाको नागरिक नभएको, अष्ट्रेलिया निवासी नभएको, आश्रितहरु अष्ट्रेलियामा नभएको लगायतलाई अष्ट्रेलिया प्रवेशमा रोक लगाइसकिएको पनि स्वास्थ्य मन्त्री हन्टले जानकारी दिए ।

तर अष्ट्रेलियाको नागरिक भएको, अष्ट्रेलिया निवासी भएको, आश्रितहरु अष्ट्रेलियामा भएको लगायतलाई भने अष्ट्रेलिया प्रवेश गर्न दिइएपनि कम्तीमा १४ दिन क्वारेन्टिन अनिवार्य रुपमा बस्नु पर्ने व्यवस्था गरिएको छ ।

स्वास्थ्य मन्त्री हन्टले अहिलेसम्म अष्ट्रेलियामा कोरोनाभाइरसको नयाँ संस्करण ओमिक्रोन नभेटिएको दावी पनि गरे ।
तर पुरानै संस्करणको कोरोनाभाइरसको संक्रमण भने अझै पनि फैलिइरहेको छ । पछिल्लो २४ घण्टामा अष्ट्रेलियामा एक हजार ४०० भन्दा बढी मानिस कोरोनाभाइरसबाट संक्रमित भएका छन् ।

डब्ल्यूएचओले भन्योः नयाँ कोभिड–१९ स्ट्रेन ’ओमिक्रोन’ चिन्ताजनक

विश्व स्वास्थ्य संगठनले शुक्रबार दक्षिण अफ्रिकामा कोभिड–१९ को नयाँ संस्करण वर्गीकृत भएपछि खतराको घण्टी बजाएको स्वीस फेडरल अफिस अफ पब्लिक हेल्थ (एफओपीएच) ले जनाएको छ।

विश्व स्वास्थ्य संगठन (डब्लुएचओ) ले शनिबार दक्षिण अफ्रिकामा पत्ता लागेको नयाँ कोभिड-१९ संस्करणB.1.1.529 लाई ओमिक्रोन’Omicron’ नाम दिएको छ।

“कोरोनाभाइरस B.1.1.529 को भर्खरै पत्ता लागेको भेरियन्ट चिन्ताको विषय हो। यसमा अन्य डरलाग्दो भेरियन्टहरूको बारेमा विज्ञानले थाहा पाएको भन्दा धेरै उत्परिवर्तनहरू छन्”-संगठनले यो नयाँ संस्करणलाई अत्यन्तै चिन्ताजनक रूपमा लिदै उक्त टिप्पणी गरेको छ।

हाल प्रयुक्त कोरोनाभाइरस खोपहरू नयाँ कोभिड-१९ संस्करण विरूद्ध कम प्रभावकारी हुन सक्ने पनि जनाइएको छ । नयाँ भेरियन्ट “डेल्टा” स्ट्रेन भन्दा पनि बढी सङ्क्रामक हुन सक्ने प्रक्षेपण गरिएको छ । यो भेरियन्टलाई वैज्ञानिकहरूले B.1.1.529 को रूपमा चित्रण गरेका छन्।

डब्ल्यूएचओका प्रवक्ता क्रिस्चियन लिन्डमेयरले बैठकपछि प्रारम्भिक विश्लेषणले यस संस्करणमा ठूलो संख्यामा उत्परिवर्तनहरू आएका छन् जसबारे थप अध्ययन गरिनेछ।