बुल्गेरियामा बस दुर्घटना हुँदा ४६ को मृत्यु

तस्बिर एएफपी

सोफिया, मङ्सिर ७–पश्चिमी बुल्गेरियामा मंगलबार बिहान भएको बस दुर्घटनामा कम्तीमा ४६ जनाको मृत्यु भएको सरकारी समाचार एजेन्सी बीटीएले जनाएको छ ।

मृत्यु हुनेमा १२ बालबालिका समेत रहेको गृह मन्त्रालयको अग्नी सुरक्षा विभागका प्रमुखले बताएका छन् । उक्त दुर्घटनामा जलेका सात जनालाई उद्धार गरी राजधानीको आकस्मिक अस्पतालमा लगिएको छ ।

सोफियाबाट करिब ४० किलोमिटर दक्षिणमा रहेको राजमार्गमा स्थानीय समय अनुसार दिउँसो २ बजे सो दुर्घटना भएको हो । दुर्घटनाको कारण भने अझै पत्ता लाग्न सकेको छैन् ।

इस्तानबुलबाट उत्तरी म्यासेडोनिया गइरहेको उक्त बस अस्थायी ब्यारियरमा ठोक्किएपछि आगो लागेको थियो ।