दीपकले ल्याए सालैजो गीत ‘जल चोखो’

लण्डन–नेपालको गुल्मी जिल्लामा जन्मिएर बेलायतलाई कर्मथलो बनाएका नवोदित कलाकार दीपक थापा मैथाने मगर प्रवासको व्यस्त समयका बावजुत पनि कलाकारितामा निरन्तर समर्पित छन् । बेलायतमा हुने कलाकारिता सम्बन्धी गतिविधिमा निकै सक्रिय दीपक अहिले एकपछि अर्को गीत निकाल्न ब्यस्त छन् ।

केही समय अगाडि मात्रै गीत ‘बैगुनी’ सार्वजनिक गरेका कलाकार दीपकको उक्त गीतमा शब्द श्रृजना थियो । अहिले  दीपकले नेपाली कला संस्कृति झल्किने नयाँ सालैजो गीत ‘जल चोखो’ बजारमा ल्याएका छन् । 

गीत संगीत, अभिनय सँगसँगै दीपक निर्माणमा पनि सक्रिय छन् । दीपकको निर्माणमा तयार भएको ‘जल चोखो’ को भिडियोमा आनन्द गुरुङ र सुमित्रा गुरुङको अभिनय देख्न सकिन्छ ।

शितल गुरुङ र सम्झना शिवाकोटीको स्वर रहेको गीतका शब्द शृजना भिम रानाका हुन् । शितल गुरुङको संगीत रहेको गीतको एरेन्ज राकेश सोनीले गरेका हुन् । 

दीप गुरुङको निर्देशनमा तयार भएको भिडियोको सह निर्देशन सन्तोष थापा मगरले गरेका छन् । शम्भु चालिसेको छायांकन रहेको भिडियोको सम्पादन मेक बहादुर थापाले गरेका हुन् । भिडियो मैथाने इन्टरटेनमेन्टबाट बजारमा आएको हो ।

भिडियो: