अमेरिका आँधीको चपेटामा, कम्तीमा ८ को मृत्यु

न्यूयोर्क ब्रुकलिनमा बाढी । तस्बिर एएफपी

न्यूयोर्क, १७ भदौ–अमेरिकाको न्यूयोर्क र न्यूजर्सी राज्यमा आइडा नामक आँधी र मुसलधारे बर्षाका कारण कम्तीमा ८ जनाको मृत्यु भएको छ । खराब मौसम र यसले निम्त्याएका परिणामका कारण न्यूजर्सीमा आपतकालीन अवस्थाको घोषणा गरिएको छ ।

न्यूयोर्क शहरको प्रहरी तथा न्यूजर्सीका अधिकारीले ७ जना न्यूयोर्क र १ जनाको न्यूजर्सीमा आँधीका कारण ज्यान गएको बताएका छन् ।

आँधीपछि न्यूयोर्कमा पछिल्लो ९० वर्षमै विशाल मात्रामा वर्षा भएको जनाएको छ । सेप्टेम्बर १ का दिन दुई राज्यमा इतिहास मै सर्वाधिक वर्षा भएको छ । त्यसको साथै न्यूजर्सीमा आँधीले कैयौँ घरहरूलाई तहसनहस बनाएको छ । न्यूयोर्कले पनि पहिलो पटक बाढीको खतरा भएकाले आकस्मिक वर्षाको चेतावनी जारी गरेको छ ।