बेलायतमा एकैदिन दुई सय बढी संक्रमितको मृत्यु

लण्डन । बेलायतमा कोरोना संक्रमणका कारण मृत्यु हुनेको संख्या आज छ महिनायताकै उच्च भएको छ । ‘डिपार्टमेन्ट अफ हेल्थ एण्ड सोसल केयर’ ले दिएको जानकारी अनुसार पछिल्लो २४ घन्टामा २०७ जना संक्रमितको मृत्यु भएको छ ।

मृतक संख्या गत मार्च ९ पछिकै सबैभन्दा बढी हो । यससंगै बेलायतमा हालसम्म कोरोनाका कारण मृत्यु हुनेको संख्या एक लाख ३२ हजार ७४२ पुगेको छ ।

यसैगरी पछिल्लो २४ घन्टामा ३५ हजार ६९३ जना नयाँ  संक्रमित थपिएका  छन् । बेलायतमा कोरोना संक्रमितको कुल संख्या ६८ लाख २५ हजार ७४ पुगेको छ ।

यसैगरी बेलायतमा हालसम्म ९ करोड ९ लाख ९४ हजार ६२७ डोज खोप वितरण भइसकेको छ । जसमध्ये चार करोड ८० लाख ८६ हजार ६०५ जनाले खोपको पहिलो डोज र चार करोड २९ लाख ८ हजार २२ जनाले दुवै डोज लगाइसकेको तथ्यांकमा उल्लेख छ ।