चिनियाँ र ब्रिटिश विदेशमन्त्रीबीच फोनवार्ता   

बेइजिङ– चिनियाँ विदेश मन्त्री वाङ यी र ब्रिटिश विदेश मन्त्री डोमिनिक राबबीच बिहीबार फोनवार्ता भएको छ ।
उनीहरुबीच द्धिपक्षीय हितका विभिन्न विषयवस्तुहरुका साथै अन्य चासोका बारेमा कुराकानी भएको चिनियाँ सञ्चारमाध्यमहरुले जनाएका छन् ।

चिनियाँ विदेश मन्त्री यीले गत वर्षमात्र पनि चिनिया राष्ट्रपति सि जिनपिङ र ब्रिटिश प्रधानमन्त्री बोरिस जोेन्सनबीच दुई पटकसम्म फोनमा कुराकानी भएको थियो ।

विदेशमन्त्री यीले बिहीबार दुई देशका विदेशमन्त्रीबीच भएको कुराकानी तथा गत वर्ष पनि चिनियाँ राष्ट्रपति र ब्रिटिश प्रधानमन्त्रीका बीचमा भएको कुराकानीबाट यी दुई देश बीच असल सम्बन्ध रही आएको कुरा प्रमाणित हुने कुरा बताएका छन् ।

उनीहरुबीच अहिले कोभिड १९ का कारणले दुवै देशमा पारेको प्रभावका साथै यसका कारण उत्पन्न परिस्थितिका बारेमा कुराकानी भएको बताइएको छ । साथै दुई देशबीचको आन्तरिक व्यापारिक साझेदारीका साथै अन्य आर्थिक विषयमा पनि कुराकानी भएको थियो ।