कोभिड महामारीमा गेसो पनि अग्रभागमा, एनआरएनए यूकेलाई १४ सय पाउण्ड प्रदान

लण्डन– नेपालमा कोरोना महामारीबाट संक्रमितहरुको उपचारमा सहयोग पुरयाउने गैर आवासीय नेपाली संघ, यूकेको अभियानमा साथ र सहयोग जुट्ने क्रम जारी छ ।

यसैक्रममा मंगलबार भूतपूर्व गोर्खा सैनिकहरुको सबैभन्दा पुरानो संगठन गेसोले अक्सिजन कन्सन्ट्रेटर किन्न एनआरएनए यूकेलाई एक हजार ४ सय पाउण्ड प्रदान गरेको छ ।

अल्डरसटस्थित गेसो कार्यालयमा आयोजित एक कार्यक्रममा गेसोका कार्यबाहक अध्यक्ष धर्म तामाङ र कोषाध्यक्ष देवीमाया पुनले संघ अध्यक्ष पुनम गुरुङ र उपाध्यक्ष प्रेम गाहा मगरलाई एक हजार ४ सय पाउण्डको चेक प्रदान गरेका हुन् ।

नेपालमा अक्सिजन सिलिण्डर पठाउने उद्देश्यले गेसोले एनआरएनलाई सहयोग गरेको एनआरएनए यूकेका उपाध्यक्ष एवम् गोर्खा डिपार्टमेन्ट प्रमुख गाहामगरले जानकारी दिए ।

कार्यक्रममा गेसोका अन्य पदाधिकारीहरुको पनि उपस्थिति थियो । सो अवसरमा एनआरएनए यूके अध्यक्ष गुरुङ र उपाध्यक्ष गाहा मगरले आर्थिक सहयोगका लागि गेसोलाई धन्यवाद दिएका थिए ।