राष्ट्रियसभा सदस्यमा बादलको हार, देवकोटा विजयी

काठमाडौं । बिहीबार  भएको राष्ट्रियसभा सदस्यको उपनिर्वाचनमा नेकपा एमालेका नेता तथा गृहमन्त्री रामबहादुर थापा बादल पराजित भएका छन् ।

बिहीबार सम्पन्न बागमती प्रदेशको रिक्त राष्ट्रियसभा सदस्य पदको उपनिर्वाचनमा उनी खिमलाल देवकोटासँग पराजित बनेका हुन् ।

कांग्रेस,माओवादी र एमालेको माधव नेपाल पक्षीय गठबन्धनका उम्मेदवार देवकोटाले ५०८८ मतभारसहित विजय हासिल गरेका हुन् । बादलले भने ४ हजार १४ मत प्राप्त गरेका छन् ।

राष्ट्रियसभा सदस्यका लागि बिहान ९ बजेदेखि सुरु भएको मतदान दिउँसो ३ बजे सकिएको थियो भने साढे ४ बजेदेखि मतगणना शुरु भएको थियो ।

नेकपाबाट निर्वाचित गृहमन्त्री थापालाई दल त्यागसम्बन्धी कानूनका आधारमा नेकपा माओवादी केन्द्रले पदमुक्त गरेपछि रिक्त स्थानमा यो निर्वाचन भएको हो ।

जसमा बादल पराजित हुनुका साथै अब सांसद रहने बाटो बन्द भएको छ ।