बंगलादेशमा रुसी खोप प्रयोगको अनुमति

बंगलादेश । बंगलादेशमा रुसले निर्माण गरेको कोरोना विरुद्धको खोपलाई प्रयोगको अनुमति दिइएको छ । 

बंगलादेश सरकारले सो खोपको आपतकलीन प्रयोगका लागि अनुमति दिएको बताइएको छ । 

बंगलादेशको औषधि प्रशासनका प्रमुख मेजर जनरल महबुर रहमानले रुसले निर्माण गरेको ‘स्पुतनिक भि’ नामको कोरोना विरुद्धको खोप प्रयोगका लागि अनुमति दिएको जानकारी गराए  ।  

रहमानले भने, ‘हामीले रुसले उत्पादन गरेको स्पुतनिक भि खोपको प्रयोगका लागि अनुमनि दिएको छौँ । यसअघि बंगलादेशमा एस्ट्राजेनेका खोप पनि प्रयोग गरिएको छ ।’

एस्ट्राजेनेका खोप भारतबाट बंगलादेश आउन ढिलाई भएको थियो । खोपको अर्को डोज आउन निकै ढिला भएकोले हालका लागि रुसको खोपलाई अनुमति दिइएको बताइएको छ ।