बेलायतमा कोरोनाबाट थप ४ हजार संक्रमित, ५६ को मृत्यु

लन्डन । बेलायतमा पछिल्लो २४ घन्टामा ४ हजार ४० संक्रमित थपिएका छन् । बेलायतमा कुल संक्रमित संख्या ४३ लाख ४१  हजार ७३६ पुगेको छ ।

यसैगरी संक्रमणका कारण पछिल्लो २४ घन्टामा ५६ जनाको मृत्यु भएको छ । योसंगै बेलायतमा कोरोना संक्रमणका कारण मृत्यु हुनेको संख्या एक लाख २६ हजार ६७० पुगेको छ ।

बेलायतका अस्पतालमा उपचार गराइरहेका र नयां भर्ना हुनेको संख्या पनि क्रमश: घट्दै गएको छ । मंगलबारसम्म भेन्टिलेटर बेडमा उपचार गर्नेको संख्या ५८३ रहेको स्वास्थ्य विभागले जनाएको छ ।

पछिल्लो २४ घन्टामा २८९ संक्रमित अस्पताल भर्ना भएका थिए । हाल अस्पतालमा उपचार गराइरहेका कोरोना बिरामीको संख्या चार हजार १५३ छ ।

३ करोड ४५ लाख बढी खोप वितरण

बेलायतमा हालसम्म खोपको पहिलो र दोस्रो गरि तीन करोड ४५ लाख १८ हजार ९५८ डोज वितरण भएको छ । तीन करोड ६ लाख ८० हजार ९४८ ले खोपको पहिलो डोज र ३८ लाख ३८ हजार १० जनाले दोस्रो डोज लिएका छन् ।