बेलायतमा थप १२ हजार संक्रमित
४५४ जनाको मृत्यु
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
लन्डन । पछिल्लो २४ घन्टामा बेलायतमा १२ हजार नयां संक्रमित थपिएको ‘डिपार्टमेन्ट अफ सोसल केयर’ को तथ्यांकमा उल्लेख छ । १२ हजार ५७ जना नयां संक्रमित थपिएसंगै संक्रमित हुनेको संख्या ४० लाख ८३ हजार २४२ पुगेको छ ।
विगत केहि दिनयता संक्रमण दरमा कमी आएको ताथ्यांकले देखाएको छ ।
यसैगरी बितेको २४ घन्टामा ४५४ जना कोरोना संक्रमितको मृत्यु भएको छ । मृतक संख्यामा पनि निरन्तर कमी आउदै गएको छ । बिहीबार सार्वजनिक तथ्याँक अनुसार बेलायतमा कुल मृतक संख्या एक लाख १९ हजार ३८७ पुगेको छ ।
हाल जारी लकडाउन र कोरोना विरुद्धको खोप वितरण कार्यलाई तीव्रता दिएसंगै पछिल्लो समयमा कोरोना संक्रमण र मृत्यु दरमा कम आएको अधिकारीहरुले बताएका छन् ।
बेलायतको अस्पतालमा बढेको अत्यधिक चाप पनि अहिले निकै कम भएको छ । अघिल्लो महिना अस्पतालमा उपचार गराउनेको संख्या ४० हजार नाघेकोमा अहिलो यो संख्या घटेर २० हजारको हाराहारीमा पुगेको छ ।
यसैगरी भेन्टिलेटर बेडमा उपचार गर्नेको संख्या पनि करिब एक तिहाइ घटेर दुई हजार छ सयको हाराहारीमा पुगेको छ ।
एक करोड ६४ लाख बढीले लगाए खोप
बेलायतमा कोरोना विरुद्धको खोप अभियान शुरु भएयता एक करोड ६४ लाख बढीले खोप लगाएका छन् ।
बिहीबार सार्वजनिक तथ्याँक अनुसार हालसम्म एक करोड ६४ लाख २३ हजार ८२ जनाले खोपको पहिलो डोज लिएका छन् । यसैगरी पांच लाख ७३ हजार ७२४ जनाले खोपको दोस्रो डोज लिइसकेका छन् ।