नेपाली दूतावास लन्डनद्वारा दीपावली शुभकामना

लन्डन । नेपालीका विभिन्न चाडपर्व लक्षित गर्दै नेपाली राजदूतावास लण्डनले शुभकामना व्यक्त गरेको छ ।

बेलायतका लागि नेपाली राजदूत डा दुर्गाबहादुर सुवेदीले नेपालीहरुको दोस्रो महान पर्व दीपावली, छठ, म्हपूजा, नेपाल संवत तथा उधौली पर्वको शुभकामना व्यक्त गरेका हुन् ।

शुभकामनामा राजदूत सुवेदीले संयुक्त अधिराज्य (बेलायत), माल्टा र आयरल्याण्ड लगायत स्वदेश तथा विदेशमा रहने सम्पूर्ण नेपाली दाजुभाई तथा दिदीबहिनीहरुमा सुख, सुस्वास्थ्य, दीर्घायू एवम् सफलताको हार्दिक मंगलमय शुभकामना व्यक्त गरेका छन् ।

विगत वर्षहरुमा दूतावासले शुभकामना आदानप्रदान कार्यक्रम गर्दै आइरहेको थियो ।

कोरोना महामारीका कारण नेपाली दूतावासले आयोजना गर्ने दर्जनौं कार्यक्रम थाँती रहे । पछिल्लो समयमा दूतावासले छितपुटबाहेक सबै कार्यक्रमहरु ‘भर्चुअल’ गर्दै आइरहेको छ ।

यसैगरी, दूतावासले लक्ष्मी पूजाको अवसरमा आज शनिबार सांझ दीपावली गर्ने भएको छ । झिलिमिली पारेको खण्डमा लक्ष्मीको बास हुनेछ भन्ने अवधारणा छ ।