लक्ष्मी जयन्तीमा नेपाली दूतावास लण्डनमा साहित्य महोत्सव हुने  

लण्डन । महाकवि लक्ष्मीप्रसाद देवकोटाको ११२औं जन्मजयन्तीको अवसरमा नेपाली राजदूतावास लन्डनले नेपाली साहित्य महोत्सव आयोजना गर्ने भएको छ । नोभेम्बर १५ आइतबार आयोजना गर्न लागिएको कार्यक्रममा सहभागी हुन इच्छुक साहित्यप्रेमीहरुले अनलाइन दर्ता गराउनुपर्ने दूतावासले जनाएको छ ।

कोरोना महामारी र लकडाउनका कारण कार्यक्रम ‘भर्चुअल’ हुने भएको छ । कार्यक्रममा प्रमुख अतिथि प्रा. डा. माइकल हट रहनेछन् भने विशेष अतिथि तथा कार्यपत्र प्रस्तोताको रुपमा सुरेशजंग शाह, लक्ष्मी राई ‘लारा’ र गोपी सापकोटा रहने छन्  ।

कार्यक्रम बिहान १०.३० देखि अपरान्ह १ बजेसम्म संचालन हुनेछ । साहित्य महोत्सवमा सहभागी हुन चाहनेहरुले अनलाइनमार्फत दर्ता गराउनुपर्नेछ ।

दर्ता गर्नको लागि यहाँ क्लिक गर्नुहोला ।