उपत्यकाका थप १८ प्रहरीमा कोरोना

फाइल तस्विर

काठमाडौँ ।  काठमाडौं उपत्यकाका १८ प्रहरीमा कोरोना संक्रमण देखिएको छ ।

प्रहरी प्रधान कार्यालय नक्सालको सवारी शाखामा कोभिड–१९ संक्रमण देखिएपछि कन्ट्याक्ट ट्रेसिङका आधारमा नेपाल प्रहरी अस्पताल महाराजगञ्जमा गरिएको स्वाब परीक्षणबाट थप १८ प्रहरीमा कोरोना संक्रमण पुष्टि भएको हो ।

प्रहरी प्रवक्ता वरिष्ठ उपरीक्षक कुबेर कडायतले हालसम्म काठमाडौँ उपत्यकामा ७२ र उपत्यका बाहिर २५० गरी ३२२ प्रहरीमा कोरोना संक्रमण पुष्टि भएको  जानकारी दिए ।

कोरोना पुष्टि भएकामध्ये १०१ जना निको भएर घर फर्किसकेका छन् ।

उपत्यकामा कोरोना पुष्टि भएका बिरामीलाई उपचारका लागि सशस्त्र प्रहरी बलको बलम्बु अस्पतालमा लगिएको प्रहरी प्रधान कार्यालयले जनाएको छ ।