एनसेलले बुझायो २३ अर्ब

एनसेल’ले  २३ अर्ब ४३ करोड ५६ लाख ५२ हजार ५ सय ४६ रुपिया ठूला करदाता कार्यालयमा बुझाएको छ ।

काठमाडौँ, ३० चैत- निजी क्षेत्रको दूरसञ्चार सेवा प्रदायक कम्पनी ‘एनसेल’ले २३ अर्ब ४३ करोड ५६ लाख ५२ हजार ५ सय ४६ रुपिया ठूला करदाता कार्यालयमा बुझाएको छ ।

उक्त कार्यालयको गत मङ्सिर १९ गतेको निर्णयअनुसार ‘एनसेल’का नाममा निर्धारित भएको पूँजीगत लाभकरबापतको उक्त रकम ब्याजसहित सरकारी कोषमा दाखिला भएको हो ।

ठूला करदाता कार्यालयका अनुसार आयकर ऐन, २०५८ बमोजिम उक्त रकम प्राप्त भएको तथा उक्त कम्पनीसम्बन्धी सम्पूर्ण प्रकरण अन्त्य भएको छ ।

यसअघि दुई किस्तामा क्रमशः कम्पनीले रु ४ अर्ब ५० करोड र रु ४ अर्ब ६० करोड दाखिला गरेको थियो ।